Pretendojnë se po jepen leje legalizimi në këmbim të votës, simpatizantë të PD-LSI bllokojnë Hipotekën e Sarandës

Simpatizantë të PD dhe LSI bllokuan paraditen e së shtunës portën e Hipotekës në Sarandë.

Ata pretendojnë se po jepen leje legalizimi dhe hipotekim objektesh në këmbim të votës. Burime për Euronews Albania bëjnë me dije se bashkë me të është edhe kandidati i LSI për deputet Dhimitraq Lapa.

Nuk ka prezencë të policisë, por organizatorët thonë se po shkojnë të bëjnë kallëzim në prokurori për punonjësit e Hipotekës.

Nuk dihet ende nëse ka apo jo punonjës të Hipotekës brenda në institucion.

Kandidati Dhimitraq Lapa i LSI tha për Euronews Albania se kjo është shkelje e hapur e ligjit për interesa elektorale nga pushteti.