Prezenca e OSBE përshëndet emërimin e anëtarit të pestë në Kushtetuese: Gati të ndihmojmë në rritjen e transparencës

Prezenca e OSBE-së në Shqipëri ka përshëndetur votimin një ditë më parë në Parlament të Altin Binajn si anëtar i pestë i Gjykatës Kushtetuese.

Përmes një postimi në faqen zyrtare në Facebook bëhet me dije se Prezenca e OSBE-së e cilëson këtë një hap të rëndësishëm drejt një Gjykate Kushtetuese plotësisht funksionale dhe siguron mbështetje për rritjen e efektivitetit dhe transparencës në këtë institucion themelor.

“Pas zgjedhjes së një gjyqtari tjetër nga Kuvendi, mbetemi në pritje të emërimeve pasuese, me qëllim që Gjykata të jetë në funksion të plotë si një institucion thelbësor për mbrojtjen e shtetit të së drejtës dhe të drejtave themelore të qytetarëve shqiptarë.

Përmes mbështetjes së përkushtuar, Prezenca është e gatshme të vazhdojë ta ndihmojë Gjykatën Kushtetuese për rritjen e efektivitetit dhe transparencës”, thuhet në njoftimin e OSBE”, thuhet në reagimin e OSBE.

Lexoni gjithashtu:

Plotësimi i Kushtetueses, “Ligjet” miratojnë kandidaturën e Altin Binajt

Parlamenti voton me 96 vota pro anëtarin e pestë të Gjykatës Kushtetuese

Ambasadorja Kim dhe Soreca përshëndesin votimin e anëtarit të pestë të Gjykatës Kushtetuese