Prezenca e OSBE-së trajnon policinë shqiptare për hetimin e drogës

Pesëmbëdhjetë oficerë policie nga strukturat antidrogë të Policisë së Shtetit u bënë pjesë një kursi trajnues hetimin e drogës nga prezenca e OSBE-së.

Zyra e prezencës së OSBE në vendin tonë përmes një njoftimi për mediat bën me dije se kursi kishte për qëllim rritjen e kapaciteteve të Policisë së Shtetit në asgjësimin e  grupeve të organizuara kriminale të specializuara në trafikimin e drogës, edhe duke shtuar njohuritë e tyre rreth mënyrave të reja të funksionimit të zinxhirëve kriminalë.

“Gjatë viteve të shkuara, Prezenca i ka kushtuar rreth tre të katërtat e veprimtarive të saj me policinë trajtimit të kërcënimeve që sjell veprimtaria kriminale, si edhe ka mundësuar pjesëmarrjen e oficerëve të Policisë së Shtetit në konferenca dhe trajnime ndërkombëtare për të forcuar kapacitetet e tyre profesionale në hetimin e çështjeve të drogës.

Po ashtu, Prezenca kontribuoi në planin kombëtar të veprimit kundër kultivimit dhe trafikimit të kanabisit 2017-2020”, thuhet në njoftimin e OSBE.