Princesha e Norvegjisë Martha Louise dha dorëheqjen nga detyrat e saj zyrtare të martën, sipas një deklarate nga familja mbretërore e vendit nordik.
“Princesha po ndërmerr këtë hap për të krijuar një vijë më të qartë ndarëse midis aktiviteteve të saj të biznesit dhe rolit të saj si anëtare e familjes mbretërore”, thuhet në deklaratë, duke shtuar se Louise dhe i fejuari i saj Durek Verrett “nuk do të përdorin titujt në kanalet e tyre të mediave sociale, në prodhime mediatike ose në lidhje me aktivitete të tjera tregtare.”
Megjithatë, babai i saj Mbreti Harold vendosi që ajo të mbante titullin e saj si princeshë, thuhet në deklaratë.
Pasi të martohet, Verrett do të bëhet pjesë e familjes mbretërore, por as nuk do të ketë titull dhe as nuk do të përfaqësojë Shtëpinë Mbretërore të Norvegjisë, shkruan KosovaPress.
Megjithatë, çifti do të marrë pjesë në tubime të lidhura me familjen, të cilat tradicionalisht mbretërorët norvegjezë marrin pjesë së bashku.
Louise, 50-vjeç, është vajza e vetme e Mbretit Harald V dhe Mbretëreshës Sonja dhe e katërta në radhën e pasardhësve pas vëllait të saj, princit të kurorës Haakon dhe dy fëmijëve të tij.
LEXONI GJITHASHTU:
- Princesha holandeze nën masa të rrepta sigurie, rrezikohet nga bandat kriminale
- 10 gjërat e zakonshme që Princesha e Uellsit nuk i bën dot
