Privatizimi i ish-kompleksit “Partizani”, Oketa-Ballës: Po e përdor politikisht

Ish-ministri i Mbrojtjes, Gazmend Oketa tha në një intervistë për Euronews Albania se Taulant Balla kërkon që ta përdorë politikisht çështjen e privatizimit të ish-kompleksit “Partizani”.

“Personi që ka bërë kallëzimin nuk kam më të vogël dyshim që do ta përdorë politikisht. Unë do isha tepër i rezervuar apo do nguroja të bëja akuza për organet e drejtësisë që edhe ato po përdoren politikisht. Do ishte një keqardhje e madhe, jo vetëm ne si persona, por për gjithë atë mundim që është bërë gjithë këto vite”, u shpreh Balla gjatë intervistës me gazetaren Esmeralda Mulaj.

Ai nënvizoi se dëshiron të besojë të kundërtën që drejtësia të mos jetë vegël e politikës.

“Sa i takon kallëzuesit, është një tentativë për të bërë politikë. Ka çështje shumë më madhorë që Balla të flasë, si shembja e teatrit apo çështja e inceneratorëve”, tha Oketa.

LEXONI GJITHASHTU:

• ‘S’kam shkelur ligjin”, Oketa: Isha ministër kur u bënë procedurat për ‘Partizanin’
• Dosjet e ish-sigurimit, deputeti: Autoriteti do bëjë transparencë, e mbështesim