Gjyqtarja në Rrethin Gjyqësor Gjirokastër, Blerta Marku, nuk e ka kaluar Vettingun.
Komisioni i Pavarur i Kualifikimit (KPK) e ka shkarkuar Markun nga detyra këtë të hënë, për shkak të problemit të kriterit me pasurinë.
Komisioni konstatoi pamundësi financiare për blerjen e një apartamenti me sipërfaqe 87.93 m2 në Gjirokastër kundrejt çmimit 900 mijë lekë, si dhe për shpenzimet e tjera të kryera në atë periudhë.
Si burime krijimi të kësaj pasurie, Marku ka deklaruar të ardhurat e saj nga puna si gjyqtare dhe ato të bashkëshortit nga puna në Greqi në shumën 29 mijë euro.
Sipas KPK-së, subjekti nuk ka arritur të provojë të ardhurat e bashkëshortit nga puna në emigracion.
Po ashtu, ka rezultuar se pak kohë pas blerjes, bashkëshorti i subjektit ka lidhur kontratë me Albtelecom për vendosjen në apartament të një telefoni fiks.
LEXONI GJITHASHTU
- GJKKO shpall të pafajshme anëtaren e KPK-së, Etleda Çiftja
- Deklarim i rremë i pasurisë, shtyhet vendimi për komisioneren e vetingut
- SPAK godet sërish vetingun, merret e pandehur anëtarja e KPK Etleda Çiftja
