Probleme me sistemin e trafikut ajror, aeroporti i Edinburgut pezullon fluturimet

Aeroporti i Edinburgut ka pezulluar të gjitha fluturimet mëngjesin e kësaj të premte. Pezullimi mësohet se ka ardhur pas një problemi me sistemin e teknologjisë së informacionit me ofruesin e kontrollit të trafikut ajror.

Aeroporti njoftoi se ekipet po punojnë për problemin për ta zgjidhur atë sa më shpejt të jetë e mundur. Pasagjerëve u këshillohet të kontaktojnë linjën e tyre ajrore për informacionin më të fundit mbi fluturimet.

Aeroporti i Edinburgut është aeroporti më i ngarkuar i Skocisë dhe bashkëpunon me 40 linja ajrore. Më shumë se 15.7 milionë njerëz e përdorën aeroportin vitin e kaluar dhe është aeroporti i 6-të më i ngarkuar në Mbretërinë e Bashkuar.

LEXONI GJITHASHTU:

• Korrupsion zgjedhor, GJKKO kalon për gjykim dosjen e kryebashkiakut të Vaut të Dejës
• Aksident në Shkodër, makina përplas për vdekje këmbësorin