Producenti Harvey Weinstein shpallet fajtor për përdhunim dhe sulm seksual

Gratë që dëshmuan kundër Harvey Weinstein “ndryshuan rrjedhën e historisë”, tha kryeprokurori i Nju Jorkut të hënën pas shpalljes së vendimit ndaj manjatit të filmave.

Juria e shpalli Weinstein fajtor për përdhunim dhe sulm seksual, por jo për akuzat e tjera më të rënda që rëndonin ndaj tij.

67-vjeçari u prangos menjëherë dhe u shoqërua në qeli, ndërsa seanca dëgjimore do të mbahet më 11 mars.

Gjithashtu, shpallja e tij fajtor u pa si një goditje e vonuar ndaj Weinstein, pas pretendimeve për vite të tëra për sjelljen e tij ndaj grave, çka u kthye në një lumë akuzash që i dhanë jetë lëvizjes #MeToo, lëvizjes botërore që i jep zemër grave që të bëjnë para dhe të sjellin para përgjegjësisë burra me pushtet për sjellje të papërshtatshme.

[twitter_feed=https://twitter.com/ManhattanDA/status/1231993558741274626]

Jurisë prej shtatë burrash dhe pesë grash iu desh pesë ditë për ta shpallur fajtor Weinstein për akuzat e sulmit seksual ndaj asistentes së produksionit Mimi Haley në 2006 dhe përdhunimin e një aktoreje të re në një dhomë hoteli në Nju Jork në 2013.

Weinstein mund të dënohet deri me 29 vite burgim

Ai u shpall i pafajshëm për akuzat më të rënda, dy akuza për sulm seksual grabitqar, secila prej tyre e dënueshme përjetë.