Projeksionet e FMN-së mbi ekonominë: Tkurrja në nivel global -4.4%, në Shqipëri -7.5%

Fondi Monetar Ndërkombëtar ka prezantuar raportin e stabilitetit financiar global për tetorin, duke parashikuar rënie ekonomike -4.4 për qind.

FMN analizon se vendet që ndërmorën masa më të rrepta gjatë pandemisë, janë në recension më të thellë se të tjerët dhe në Europë goditjen më të madhe e ka marrë Spanja, Italia dhe Franca.

Për Shqipërinë, FMN ka bërë të ditur se ekonomia pritet të tkurret me 7.5% ketë vit, ndërsa viti i ardhshëm, do të pasohet nga një rritje e fortë e PBB-së, në nivelin 6.1 %.

Në rang global, për SHBA-të tkurrja parashikohet të jetë -4.3 %, ndërsa Kina rezulton i vetmi shtet që nuk kalon në recension me rritje modeste ekonomike, 1.9 për qind.