“Projekti 5000” i Serbisë, çfarë paralajmëron 3-fishimi i forcave speciale?

Ministria e Mbrojtjes dhe shtabi i ushtrisë serbe ka prezantuar një vit më parë planin për modernizimin e ushtrisë.

I quajtur “Projekti 5000”, plani bën fjalë për trefishimin e forcave speciale në shërbimin e rregullt ushtarak.

Sipas prezantimit që ka bërë ministria e Mbrojtjes, Serbia do të rrisë numrin e njësive speciale të sulmit ajror, njësitë speciale “Kobra” dhe struktura ushtarake të zbulimit.

Në një raport të realizuar nga Qendra Kosovare për Studime të Sigurisë ky zhvillim i ushtrisë serbe shihet si një kërcënim për rajonin.

Armatosja e njësive të sulmit ushtarak nga ana e Serbisë, shihet si një kërcënim për vendet e tjera, të cilat do të detyrohen të rishikojnë planet e mbrojtjes. Kosova është shteti i parë më i rrezikuar nga armatosja në këto nivele e ushtrisë serbe, por edhe shtete të tjera si Kroacia, do të detyrohen të marrin masa.

Qendra Kosovare për Studime të Sigurisë sugjeron se qeveria e Kosovës duhet të hartojë një plan të ri mbrojtjeje, pas rritjes së kapacitetit ushtarak të Serbisë.

Ndërkohë, vitet e fundit Serbia ka investuar miliona dollarë në blerjen e armëve moderne dhe teknologjisë së fundit ushtarake nga Rusia dhe Kina.

LEXONI GJITHASHTU:

• Përvjetori i marrëveshjes së Ohrit, BE: Serbia e Kosova të kalojnë në epokë të re
• Blinken: Kosova dhe Serbia t’i zbatojnë të gjitha zotimet e dialogut të Brukselit