​Prokurori special nesër jep detaje në Hagë rreth rastit të Salih Mustafës

Prokuroria e Specializuar e Kosovës nesër në Hagë pritet të mbajë një konferencë në lidhje me ecurinë e rastit të ish-shef i inteligjencës së FSK-së, Salih Mustafës, i cili akuzohet për krime lufte.

Në njoftimin e publikuar në faqen e Gjykatës Speciale bëhet e ditur se në këtë konferencë do të flasë prokurori Jack Smith, rreth orës 15:00.

Ish-epror i UÇK-së, Salih Mustafa u arrestua më 24 shtator në Prishtinë nga Zyra e Prokurorit të Specializuar në bazë të një fletarrestimi, urdhri për transferim dhe aktakuzës së konfirmuar, të lëshuara nga një gjykatës i procedurës paraprake i Dhomave të Specializuara të Kosovës.

Në paraqitjen e tij të parë para gjykatës më 28 shtator, ish-pjesëtari i UÇK-së Sali Mustafa tha se ai dëshiron të konsultohet me avokatin e tij para se të shpallet i fajshëm ose i pafajshëm.

Pas z. Mustafa u arrestuan nga EULEX-i edhe dy figurat kryesore të Organizatës së Veteranëve të Lutës së Ushtrisë Çlirimtare të Kosovës pas rrjedhjes së disa dosjeve sekrete të Gjyaktës Speciale. Bëhet fjalë për kreun e saj Hysni Gucatin dhe nënkryetarin Nasim Haradinaj. Ata akuzohen për ‘frikësim të dëshmitarëve’,‘hakmarrje’ dhe ‘shkelje të fshehtësisë së procedurës’.

Lexoni gjithashtu:

Gjykata Speciale konfirmon arrestimin e ish-zyrtarit të FSK, Salih Mustafa

Dosjet e Gjykatës Speciale, avokati Arianit Koci: Kush i publikon rrezikon burg

Mandati 5-vjeçar i Gjykatës Speciale në Kosovë përfundon në vitin 2020, por çfarë pritet më pas?