Prokuroria kërkon të kthejë në bashkëpunëtorë të drejtësisë të arrestuarit për tenderin e uniformave, mëson Euronews Albania

Prokuroria e Posaçme po përpiqet të kthejë në bashkëpunëtorë të drejtësisë, zyrtarë të arrestuar për tenderin e uniformave në Policinë e Shtetit.

Gazetari  i Euronews Albania, Merin Maçi raporton se janë bërë disa përpjekje që dy nga zyrtarët të vënë tashmë në akuzë për “Shkelje të barazisë në tender” në bashkëpunim, të japin detaje në lidhje me drejtuesit e tyre, apo çdo formë ndikimi që mund të ketë ardhur nga lart.

Qëllimi i prokurorisë është që të zbulohen persona të tjerë të përfshirë në këtë çështje, por nuk dihen nëse këto përpjekje kanë dhënë rezultat deri më tani.

Hetimet ndaj Agjencisë së Blerjeve të Përqendruara për tenderin e uniformave të policisë nisën nga një denoncim për një tender tjetër abuziv, bërë nga një sipërmarrje, dhe më pas u bashkuan si çështje pas denoncimit të ish-deputetëve të opozitës parlamentare.

Deri më tani për këtë hetim janë arrestuar të paktën 9 zyrtarë dhe ish-zyrtarë.

Ndërkohë nga hetimet rezultoi se 2 zyrtarë nuk kanë pranuar të firmosin dokumentet e tenderit, pasi pikasën shkelje.

LEXONI GJITHASHTU:

• Dosja e SPAK, zbulohen ‘përplasjet’ për tenderin e uniformave të Policisë
• Tenderi 25 milionë euro për uniformat, policët ankohen për cilësinë e dobët të materialit
• Tenderi për uniformat e policisë, Gjykata e Posaçme lë në burg 9 të akuzuarit