Gjenden në një hotel në Përmet dy të miturat nga Tirana, të cilat prej 4 ditësh rezultonin të zhdukura.

Policia njofton se vajzat janë në gjendje të mirë shëndetësore dhe ndodhen në Komisariatin e Përmetit.

Ato priten që të dërgohen në banesat e tyre në kryeqytet. 

Por, vetë të miturat kanë pohuar në komisariat se janë larguar me dëshirë dhe se nuk duan të kthehen në shtëpi.

Ndërkohë burime për Euronews Albania bëjnë me dije se vajzat me iniciale A. A dhe shtetasi L. H kanë qenë më herët në Sarandë dhe Gjirokastër.

Po kështu ku është konfirmuar se kanë lëvizur dhe qëndruar vetëm gjatë 4 ditëve të fundit.