Propozimet ndaj Serbisë, opozita në Kosovë kundër kryeministrit Kurti

Takimi i parë i kryeministrit te Kosovës Albin Kurti me presidentin serb Aleksandër Vuçiç kaloi edhe në skanerin e politikës lokale.

Vlerësimet erdhën vetëm nga Lëvizja Vetëvendosje, ndërkohë që i gjithë kampi opozitar ishte i drejtpërdrejtë në kritikat ndaj Kurtit.

Sipas Faton Abdullahut nga Partia Demokratike e Kosovës, paraqitja e Kurtit në Bruksel me shume ishte për konsum të brendshëm dhe për t’i kënaqur militantët.

Qëndrim të njëjtë ka edhe Muhamet Hamiti i Lidhjes demokratike të Kosovës. Sipas Hamitit, sjellja e Kurtit i shkon shumë për shtat asaj që e dëshiron edhe Vuçiç: mos vazhdimin e dialogut!

Një tjetër e metë, që i vihet në dukje Kurtit, nga Partia Demokratike e Kosovës, është edhe vajtja në Bruksel pa unitet politik dhe pa mbështetjen e shteteve të bashkuara të Amerikës për temat që përmendi.

Por, me këto kritika nuk pajtohet deputetja e VV Fitore Pacolli, e cila paraqitjen e kryeministrit e sheh si historike, ku Kosova më në fund u hodh në sulm.

Paraqitjen e Kurtit me një fryme të re në këtë proces e sheh edhe analisti Bardhyl Hasanpapaj.