Protesta në Ballsh, Erion Kristo apelon për solidarizim me naftëtarët

Erion Kristo, pedagog dhe aktivist i shoqërisë civile në një intervistë për Euronews Albania foli rreth protestës së naftëtarëve, një çështje të cilës i është referuar si pasojë e “shtetit që ka ikur me pushime”.

Sipas Kristos kanë kaluar ligje edhe brenda një nate, janë marrë firmat e të gjithë ministrave për të kaluar gjëra të cilat ju kanë interesuar pushtetarëve kurse kur vjen puna te njerëzit që luftojnë vetëm për bukën e gojës nuk ndodh e njëjta gjë.

“Janë munduar që t’ia lënë pataten privatit por ajo që më tremb dhe më mërzit më shumë është mungesa totale e shtetit në këtë lojë”,- u shpreh Kristo.

Ndër të tjera ai tregoi se në përshtypjen e tij ka ende njerëz që as nuk e dinë se në Ballsh po bëhet një protestë teksa theksoi se mungesa e solidarizimit do të bëjë që mos të ecim aspak përpara.

Pyetur për ndikimin e sindikatave në mbështetjen që i jepet kësaj proteste Erion Kristo u tregua pesimist përkundrejt rolit të tyre në shoqëri.

“Sindikatat blihen dhe shiten si viçat e kooperativës dikur”,- tha aktivisti.    

Së fundmi ai apeloi edhe për reagimi njëzëri të të gjithëve për të mbrojtur interesat e naftëtarëve.

Lexoni gjithashtu:

Naftëtarët e Ballshit, pritet takimi me kompaninë private

Naftëtarët e Ballshit mësyjnë mjediset e rafinerisë, kërkojnë takim me kompaninë që administron uzinën

16 ditë rezistencë, por ende asnjë zgjidhje! Euronews Albania brenda ambientit ku ndodhen naftëtarët grevistë

Rama për naftëtarët: Nuk kemi ende një zgjidhje, greva mundim i panevojshëm