Protestë antiqeveritare në Pragë, kërkohet dorëheqja e kryeministrit

Disa mijëra njerëz u mblodhën pasditen e sotme në sheshin Wenceslas në Pragë për protesta antiqeveritare të organizuara nga partia joparlamentare PRO dhe shoqata “Republika Çeke kundër varfërisë”.

Organizatori kryesor i demonstratës, avokati dhe themeluesi i partisë PRO, Jindrich Reichl, bëri thirrje për dorëheqje të qeverisë së kryeministrit Petar Fijala, të cilën e cilësoi si antisociale dhe antiçeke, transmeton “International Radio Prague”.

Ai kritikoi miratimin e monedhës së përbashkët evropiane, politikën klimatike të Bashkimit Evropian dhe ndalimin e planifikuar të motorëve me djegie të brendshme.

Në tubim folën deputetja Jana Zvirtek Haplova dhe nënkryetari i Partisë Socialdemokrate Michal Hašek, të cilët përshëndetën demonstruesit në emër të ish-kreut të shtetit, Millosh Zeman.

Siç kujton Radioja Çeke, vitin e kaluar janë mbajtur tre tubime proteste, të cilat janë organizuar nga partia PRO.

LEXONI GJITHASHTU:

• Çekia në zi për viktimat e të shtënave në universitetin e Pragës
• 14 të vrarë në Pragë, Çekia shpall ditë zie kombëtare