Protokolli anti-COVID për turizmin, Zak Topuzi tregon se nuk lejohet vetëshërbimi në resorte

Kryetar i Shoqatës Shqiptare të Turizmit, Zak Topuzi u shpreh në Euronews Albania se protokolli i masave anti-COVID i prezantuar nga Ministria e Turizmit dhe Mjedisit në bashkëpunim me Ministrinë e Shëndetësisë dhe Mbrojtjes Sociale është i njëjtë me atë të vitit 2020.

“Përveç rregullave, përgjithësisht që kanë të bëjnë me administrimin e njësive akomoduese, me distancat, rekomandimet, sivjet ka edhe një manual që lidhet me administrimin e ushqimit, pijeve. Pushuesit nuk duhet të prekin vetë ushqimin sidomos nëpër resorte apo hotele”, tha ai, ku sqaroi se nuk lejohet vetëshërbimi.

Z. Topuzi shtoi se problemi më kryesor është respektimi i këtyre masave nga pushuesit, ku shtoi se shqiptarët tani mendojnë se në Shqipëri nuk ka persona të infektuar me COVID-19.

Duke apeluar për respektim të masave anti-COVID, ai tregoi se kryesisht pushuesit do jenë nga Mesdheu, Ballkani dhe do të jenë të shumtë ata nga Kosova.

Ai theksoi se shpreson që këtë vit të ketë një rritje të turizmit, por që është e vështirë të bëhen krahasime me vitin 2019 sa i përket fluksit të pushuesve.

LEXONI GJITHASHTU:

Protokolli anti-COVID për turizmin, detyrat për sipërmarrësit turistikë, të njëjta si vitin e kaluar