Mungesa e financimit, shkak i dështimeve të Shqipërisë, thotë ish-presideti i Komitetit Olimpik

Shqipëria nuk ka sukses në Lojërat Olimpike sepse shteti nuk i mbështet sportistët, tha për Euronews Albania ish-presidenti i Komitetit Olimpik Kombëtar, Viron Bezhani.

Bezhani veçoi dy elementë që tregojnë se qeveria ka mungesë interesi ndaj sportit.

• Tirana nuk ka një Qendër Olimpike ku mund të stërviten sportistet, gjë që i kufizon ata.
• Ka probleme me ligjin e sponsorizmit, ku sipas tij shteti nuk i mbështet lojtarët mjaftueshëm financiarisht.

“Vendi ynë e ka sponsorizimin 4% mbi tatim fitimin, që është e turpshme”, u shpreh ai.

Për arritjet e sportistëve kosovarë në Lojërat Olipmike, Bezhani tha vijnë jo vetëm nga përpjekja e lojtarëve por edhe nga mbështetja që u ofron shteti i Kosovës.

Duke e krahasuar me Shqipërinë, ai tha se “Kosova e ka sponsorizimin 30% mbi tatim fitimin”.

Në kohën kur ka qenë president i Komitetit Olimpik Kombëtar, Viron Bezhani u shpreh se ka kërkuar nga qeveria që të  bëhen ndryshime në ligjin e sponsorizimit, të themelohet një qendër olimpike dhe të ndërtohen ambiente sportive, mirëpo nuk ka marrë mbështetje.

LEXONI GJITHASHTU:

• Shqipëria synon sot suksesin e parë në Lojërat Olimpike në Tokio
• Kosova e Shqipëria të parat në rajon për shpërblimet e fituesve në Lojërat Olimpike
• Xhudisti i dytë tërhiqet nga Lojërat Olimpike para ndeshjes me përfaqësuesin izraelit