Pse studentët duhet të bashkohen në protestën e pedagogëve? Flet Ardian Isufi

Pedagogu Ardian Isufi tha në një intervistë për Euronews Albania se studentët duhet të bashkohen me protestën e pedagogëve.

Sipas tij nuk ka arsye pse të ndihen nën presion për të marrë pjesë, madje në protestën e së premtes ka pasur përfaqësues të studentëve, kryesisht senatorë të universiteteve.

“Unë mendoj që studentët shumë shpejt do jenë pjesë e kësaj proteste sepse ka të bëjë me cilësinë e mësimdhënies,” – u shpreh Isufi.

Pedagogu shtoi gjithashtu se rritja e pagave me 7% ishte një lëmoshë që qeveria u dha universiteteve. Ai u shpreh se kërkesa të tjera do të shtohen pas bojkotit të 17 tetorit.

Dy ditë para se të nisë viti akademik, pedagogët zhvilluan një protestë për rritjen e pagave.

Ata thonë se pagat e tyre janë më të ulëtat në rajon dhe se qeveria e ka shkurtuar buxhetin, edhe pse ka këtë nivel page.

LEXONI GJITHASHTU:

• Pedagogu: Studentëve t’u kthehen tarifat në shërbime, s’ka cilësi pa investim
• Pedagogu Gjeta: Alarmante që po zhduken 70% e kafshëve, fajtor është njeriu
• ‘Rrisni pensionet’, invalidët e punës protestë para Ministrisë së Financave