Pse u vendos karantinë për emigrantët në prag zgjedhjesh? Dule tregon të vërtetën e tij

Kryetari i Partisë Bashkimi për të Drejtat e Njeriut, Vangjel Dule tha në “Ilva Now” se akti për të vendosur karantinë për emigrantët që vijnë nga Greqia është vendim politik i qeverisë Rama.

“Ky është një vendim i motivuara kryekëput politikisht. Është në turpin e këtij komitetit, sepse shfrytëzojnë pandeminë dhe autoritetin që u kemi dhënë të gjithë duke u besuar aspekti shkencor të aktiviteti të tyre, ndërsa ata e tjetërsuan atë duke  vepruar më keq se sa politikanët me kriter politike”, tha ai.

Ky vendim thotë ai do mirëkuptohej në kohën kur Shqipëria raportonte mbi 1200 infektime në ditë.

“Do ta mirëkuptoj kur në Shqipëri kishim 1200 raste të diagnostikuar në ditë, por tani kur është dhjetë herë me e vogël. Ky vendim ka një synim që të pengojë.. do të vinin shumë pak, sepse  njerëzit janë nën fobinë e frikës që është krijuar”, theksoi ai.

Kreu i PBDNJ-së tha se ka informacione se Partia Socialiste në Vlorë nuk do të arrijë të fitojë mandatin e tetë, vend në të cilin është renditur kryeministri  Rama.

Këto rrethana sipas tij kanë çuar, që Komitetin Teknik të Ekspertëve të caktojë dy javë karantinë për emigrantët pasi qëllimi kryesor është menduar që t’u pamundësohet votimi më 25 prill.

“Z. Rama është i sfiduar. Aktualisht, të dhënat e mia tregojnë se PS nuk e fiton mandatin e tretë në Vlorë, dhe ardhja e disa emigrantëve e bënte edhe më të largët zgjedhjen e tij në qarkun e Vlorës, rrjedhimisht është interesi i tij, që detyroi komitetit të marrë një vendim të tillë. Minimumi për opozitë e bashkuar janë 19 mandate në tiranë. Me shtesën se dy ditë e fundit do ti japin opozitës një dinamike shtesë prej 2-3% të totalit të votave. Dinamika është e tillë dhe të gjithë e shohin se nga anon fitorja”, tha ai.