PSG fiton e miqësoren e ‘luksit’, Ronaldo ‘mposht’ Messin

Spektakël, gola, kartona dhe në fund një fitore e evropianëve, kjo ishte tabloja e miqësores së luksit mes PSG-së dhe skuadrës nga Arabia Saudite që kishte përzgjedhur më të mirët e kampionatit. Plot 9 gola të shënuar, ku festës iu bashkuan dhe Messi e Ronaldo, me portugezin që shënoi dy gola kundrejt 1 të kampionit të botës.

Plot 68 mijë të pranishëm ishin në King Fad, në Rijad të Arabisë Saudite për të ndjekur këtë përplsje mes yjeve. Lionel Messi dha shkëndijën e parë ku zhbllokoi rezultatin që në minutën e 3-të, teksa për vendësit u kundërpërgjigj Ronaldo. Markinjos do të rikthente sërish avantazhin poër francezët, por ylli portugez barazoi sërish.

Në vijim parizienët realizuan dhe 3 herë me Ramos, Mbape dhe Ekitik. Mbrojtësi Jang i Al Hilal shënoi golin e tretë për arabët, ndërsa për të katërtin mendoi mesfushori Taliska, me një supergol. Në përfundim PSG fitoi me rezultatin 5-4, ndërsa njeriu i ndeshjes u përzgjodh Kristiano Ronaldo. Pas kësaj sfide, në arkat e skuadrës së francezëve u shtuan plot 10 mln euro.

LEXONI GJITHASHTU:

• Ronaldo publikon foton me Messi-n: Është mirë të takosh disa shokë të vjetër
• Mbi 2 mln kërkesa për bileta të ndeshjes mes Ronaldos dhe Mesit