PSG kërkon revanshin ndaj Bayern, në takimin tjetër çerekfinalist, Porto pret Chelsea në Seviljë  

Sot në mbrëmje luhen dy sfidat e radhës të çerekfinaleve të Ligës së Kampionëve.

Kampionët në fuqi të Bayernit, presin ne Allianz Arena ekipin e Paris Sen Zhermenit, ndërsa Porto-Chelsea do të luhet në Sevilja për shkak të masave anti-COVID.

Këtë të mërkurë luhen dy sfidat e tjera të çerekfinaleve të Ligës së Kampionëve, me Bayern që do të presë Paris sen Zhermenin në Allianz Arena, ndërsa Porto pret anglezët e Çelsit. Trajneri i parizienëve, Mauricio Pochettino tha se sfida ndaj bavrezëve nuk shihet si një mundësi hakmarrjeje për humbjen e vitit të kaluar në finalen e Champiosnit.

“Nga pikëpamja sportive, gjithmonë ekziston një dëshirë për revansh, por kjo ska të bëjë me hakmarrje. Ka të bëjë me faktin që ne duam t’i tregojmë vetes që mundemi të mposhtim një kundërshtar si Bayerni i Mynihut, të cilët janë kampionë të Europës dhe për momentin janë ekipi më i mirë në botë. Kjo sfidë na jep energjinë dhe motivimin e nevojshëm,” – tha trajneri Pochettino.

PSG u mposht 0-1 nga Bayerni në finalen e vitit të kaluar në Lisbonë, me golin e vetëm të takimit të shënuar nga ish lojtari parizien, Kingslej Koman, ndërkohë vjen në këtë takim pas humbjes 1-0 në kampionat ndaj Lilë.

Në ndeshjen tjetër, Porto do të presë Çelsin, ndeshje e cila do të zhvillohet në Sevilje. Ekipit të drejtuar nga Serxhio Konseisao do t’i duhet të bëjë pa dy golashënuesit Serxhio Oliveira dhe Mehdi Taremi, ndërkohë për londinezët janë rikthyer pas dëmtimeve, Tami Abraham dhe Ngolo Kante.

LEXONI GJITHASHTU: 

• Peshëngritësja shqiptare Evangjeli Veli: Synoj medalje dhe në botëror
• Çerekfinalet e Champions League, Liverpool e Manchester City përballë Real Madrid e Dortmund
• Bernardeschi me COVID-19, shtohet lista e futbollistëve të infektuar pas ndeshjeve me Italinë