Psikologia Lekli: Nuk ka protokoll për trajtim psikologjik të personave me COVID-19

Në Shqipëri është rritur numri i personave që kanë kërkuar ndihmë profesionale nga psikiatrit apo psikologët për probleme të shëndetit mendor, pas COVID-19.

Psikologia Marsela Lekli e pohoi këtë në një lidhje të drejtpërdrejtë për Euronews Albania, ku edhe radhiti rrethanat që kanë ndikuar në problemet e shëndetit mendor në vend.

Marsela Lekli tha se komplikacionet kanë nisur që me izolimin në fillim të pandemisë, i cili “ndikoi negativisht te çdo person në aspektin psikologjik”.

Ajo bëri me dije se problemi më i madh është ndeshur të personat që kanë pasur edhe më përpara çrregullime psikologjike.

Psiologia shtroi një problematikë, që është mungesa e një protokolli se si duhen menaxhuar nga ana psikologjike rastet që kanë çrregullime pikërisht për shkak të pandemisë.

“Duhet hartuar një protokoll i mirëfilltë nga institucionet përkatëse, për të parë se si mund të menaxhohen rastet e problemeve të shëndetit mendor që janë shfaqur për shkak të pandemisë”, u shpreh Marsela Lekli.

Marsela Lekli radhiti arsyet që kanë ndikuar në vend për shtim të rasteve të çrregullimit mendor. Ajo përmendi tërmetin, pandeminë por edhe gjendjen ekonomike në vend, duke i vënë theksin edhe rritjes së çmimeve gjatë kohëve të fundit.

LEXONI GJITHASHTU:

• COVID-19 dhe çrregullimet mendore, pas kalimit të virusit në disa pacientë shfaqet sëmundja e demencës