Publikohen pamjet e shoqërimit në polici të ish-gjyqtarit Alaudin Malaj, ofendime ndaj efektivëve

Euronews Albania ka mundur të sigurojë pamjet e momentit të shoqërimit në polici të ish-gjyqtarit të Apelit Alaudin Malaj pas një konflikti familjar.

Gjatë momentit të shoqërimit Malaj ka ofenduar disa herë punonjësit e policisë, ofendime të cilat Euronews Albania, për arsye etike i ka censuruar.

Burime bënë me dije se shoqërimi i Alaudin Malajt në komisariatin Nr.2 është bërë pas një konflikti familjar kjo në lidhje me një mosmarrëveshje rreth pronësisë së një makine.

Në muajin gusht të këtij viti, pas një padie, Gjykata e Tiranës kishte lëshuar urdhër mbrojtjeje për bashkëshorten e Malajt duke i kërkuar qëndrimin larg saj.

Pas rreth 27 vitesh me detyra në sistemin e drejtësisë, Alaudin Malaj dha dorëheqjen nga pozita e gjyqtarit të Apelit Tiranë në korrik të këtij viti. Ai e paraqiti dorëheqjen përmes një letre drejtuar Këshillit të Lartë Gjyqësor.

Lexoni gjithashtu:

Shoqërohet në polici ish-gjyqtari Alaudin Malaj për konflikte familjare