Publikohet traileri i dokumentarit të shumëpritur ‘Harry and Meghan’

Një trailer për dokumentarin në Netflix të Princit Harry dhe Meghan është publikuar, duke ofruar një vështrim të parë në atë që çifti thonë se është historia e vërtetë se pse u larguan nga detyrat mbretërore.

“Askush nuk e sheh atë që po ndodh pas dyerve të mbyllura”, thotë Princi Harry në një sekuencë të trailerit.

Kjo vjen në sfondin e një grindjeje të mbretërorëve rreth komenteve për një mysafir me ngjyrë në Pallatin Buckingham.

“Më duhej të bëja gjithçka që mundja për të mbrojtur familjen time”, thotë Princi Harry gjithashtu në skenarin ngacmues për këtë serial me gjashtë pjesë të quajtur ‘Harry and Meghan’.

Harry & Meghan. A Netflix Global Event. Coming soon, only on Netflix. pic.twitter.com/ysxaCcESP4

— Netflix (@netflix) December 1, 2022

Rreth 1 vit më parë Duka dhe Dukesha e Sussex Harry dhe Meghan Markle zbuluan më shumë detaje nga largimi i tyre nga familja mbretërore dhe zhvendosja në Amerikë.

Në një intervistë të shumëpritur përballë Oprah Winfery, Meghan qe shprehur se ishte e tronditur nga mënyra sesi ishte reaguar për ardhjen në jetë të djalit të saj Archie.

“Në muajt kur isha shtatzënë, gjatë të gjithë kohës ishte e njëjta gjë e njëjta bisedë; ai nuk do të japë siguri, atij nuk do t’i jepet asnjë titull e po ashtu kishte shqetësime e biseda sesa e errët do të ishte lëkura e tij kur të lindte”, rrëfeu dukesha.

LEXONI GJITHASHTU:

• Harry e Meghan planifikojnë të shpërngulen, shkak rritja e kriminalitetit në lagje
• Meghan Markle donte të paguhej për të kryer detyrat e saj mbretërore