Puna gjatë vitit 2020, papunësia 11.7%, burrat dominojnë tregun

Edhe pse në një vit krize, ku pandemia ndikoi negativisht në ekonomi, norma e papunësisë në vendin tonë u regjistrua në 11.7 % ose 0.2% më e lartë se në vitin 2019.

Të dhënat e tregut të punës, tregojnë se numri i të papunëve u fiksua në 164.613 persona, nga 1.407.958 individë të moshës 15-64 vjeç.

Në raport gjinor, burrat përbëjnë 55.5 % të punësimeve.

Sektori i shërbimeve dhe bujqësia kanë përqindjen më të lartë të të punësuarve me 79.5 % të volumit, ndjekur nga industria me 20.5 %.

Në vitin 2020, rezulton se 46.1 % e të punësuarve marrin paga fikse, 33.3 % janë të vetë-punësuar dhe 20.6 % janë punëtorë pa pagesë në biznesin e familjes.

Sipas rajoneve, qarqet me shkallë më të lartë punësimi ishin Gjirokastra dhe Korça, ndërsa zonat me shkallë më të ulët ishin Lezha dhe Dibra.

Gjatë vitit që lamë pas, paga mesatare bruto u rrit me 2.4 %, në krahasim me 2019-n.

Punonjës në aktivitete financiare, administratë publike, arsim dhe shëndetësi kanë përfituar rroga mbi nivelin mesatar, ndërsa e kundërta është regjistruar në sektorë si bujqësia, peshkimi, magazinimi, akomodimi dhe shërbimi ushqimor. Edhe në këtë aspekt hendeku gjinor u shënua me 6.6% në favor të burrave. Krahasuar me vitin 2019 vihet re një ulje e numrit të personave që paguhen me pagë minimale, sikundër ka edhe rritje në fashën e pagave mbi 120 mijë lekë.

LEXONI GJITHASHTU: 

• Zejtaria në zhdukje prej pandemisë dhe mungesës së mbështetjes financiare
• Kovaçi i Korçës tregon pasionin për profesionin e tij në zhdukje
• Familja bën thirrje: Hasan Prishtina të prehet në “Varrezat e Dëshmorëve”