Punime në autostradën Tiranë-Durrës, si do qarkullojnë mjetet

Autoriteti Rrugor Shqiptar njofton se nga nesër dhe 25 ditë më radhë do të ketë punime në autostradën Tiranë-Durrës.

Në këtë aks rrugor, në segmente të caktuara do të punohet me një korsi.

“Në kuadër të zbatimit të kontratës së mirëmbajtjes, nesër, më datë 19 tetor 2022 në orët e para të mëngjesit do të fillojë rehabilitimi i shtresave asfaltike të aksit rrugor Tiranë–Durrës, proces pune që sipas grafikut të hartuar do të zgjasë 25 ditë për të dyja senset e lëvizjes. Procesi i punës do të fillojë nga Ura e Dajlanit në drejtim të Tiranës (deri në mbikalimin  e Kasharit).   Do të punohet me njërën korsi, përkohësisht të bllokuar, për një gjatësi prej 500m, sipas skemave të miratuara të menaxhimit të trafikut në bashkëpunim me Policinë Rrugore.  Njëra korsi lëvizjeje do të jetë e lirë për drejtuesit e mjeteve dhe tjetra do të jetë përkohësisht e bllokuar në një gjatësi prej 500m.  Me përfundimin e punës në këtë gjatësi, bllokimi do të spostohet në 500m të tjerë për vijimin e punës”, thuhet në njoftim.

Me qëllim shmangien e aksidenteve, ARRSH udhëzon drejtuesit e mjeteve, të zbatojnë sinjalistikën rrugore të vendosur në objekt.

LEXONI GJITHASHTU:

• Debat në Komisionin e Edukimit, Kushi-Zhupës: E di mesataren tënde
• Importi i energjisë dhe karburanteve u rrit në 119 mld lekë