Njëri nga prindërit që ka fëmijën nxënës deri në klasë të nëntë, do të jetë pushim në datat 24, 25 dhe 26 janar, njoftoi qeveria.

Arsyeja është që prindi të qëndrojë në shtëpi më fëmijët, të cilët janë pushim për shkak të motit të ftohtë.

Kjo vlen vetëm për prindërit që punojnë në institucione shtetërore, jo private.

Megjithatë, qeveria i bëri thirrje sektorit privat që të gjejnë mundësi për t’u dhënë pushim punonjësve të tyre.

Në njoftimin e qeverisë thuhet se prindërit që do të jenë pushim mund të kryejnë një pjesë të punës së tyre nga shtëpia, në rast se është e mundur.

Javën e kaluar Ministria e Arsimit vendosi që shkollat në vend të mos funksionojnë në datat 24, 25, 26 janar, për shkak të motit të ftohtë, por edhe prej përhapjes së COVID-19.