”Shpëton” Valdrin Pjetri, Gjykata pushon hetimet për ish-kandidatin socialist të Bashkisë Shkodër

Gjykata e Tiranës ka pranuar kërkesën e prokurorisë për pushimin e hetimeve ndaj ish-kryebashkiakut të Shkodrës, Valdrin Pjetri.

I zgjedhur në krye të Bashkisë së Shkodrës në zgjedhjet e 30 qershorit, Pjetri u mor i pandehur për falsifikim të formularëve.

Sipas hetimeve ai nuk kishte deklaruar hetimin dhe dënimin në shtetin italian për probleme me lëndët narkotike.

Por, pas disa muajsh hetime Prokuroria vendosi të dërgoi për pushim çështjen në Gjykatë, me argumentin se vendimi i gjykatës italiane e ndalonte Valdrin Pjetrin ta deklaronte atë.

Kandidati socialist Pjetri, para zgjedhjeve të vitit 2019, mbante pozicionin e kryeregjsitruesit në Zyrën e Përgjithshme të Regjistrimit të Pasurive të Paluajtshme, ndërkohë që më parë qe angazhuar në Agjencinë e Pasurive të Sekuestruara dhe Konfiskuara sipas “ligjit Anti-Mafia dhe Financimit të Terrorizmit” dhe pati mbajtur poste të rëndësishme në ministrinë e Mbrojtjes.

Lexoni gjithashtu:

Shtyhet për herë të dytë seanca ndaj Valdrin Pjetrit në Gjykatën e Tiranës