Putin kërkoi ish-Kancelarin Schroeder si ndërmjetës me BE-në për fundin e luftës në Ukrainë, reagon SPD
Propozimi i presidentit rus Vladimir Putin për ta bërë ish-kancelarin gjerman Gerhard Schroeder ndërmjetës në negociatat e mundshme midis Rusisë dhe BE-së duhet të merret seriozisht në konsideratë, tha Adis Ahmetovic, një ekspert i politikës së jashtme për fraksionin e Partisë Socialdemokrate të Gjermanisë (SPD) në Bundestag.
“Çdo propozim duhet të shqyrtohet seriozisht për të përcaktuar besueshmërinë e tij”, tha deputeti në një intervistë me revistën Der Spiegel. “Qëllimi ynë duhet të jetë të ulemi në tryezën e negociatave”, vuri në dukje Ahmetoviç. “Nëse pjesëmarrja e ish-kancelarit gjerman është një kusht për këtë, ajo duhet të peshohet në koordinim të ngushtë me partnerët tanë evropianë, jo të përjashtohet kategorikisht menjëherë”, theksoi ai.
Nga ana tjetër, anëtari i Bundestagut Ralf Stegner, gjithashtu nga SPD, bëri thirrje për diskutimin e propozimit të presidentit rus. “Unë mirëpres çdo iniciativë që mund t’i japë fund luftës”, i tha ai Der Spiegel. “Nëse kjo mund të arrihet përmes dikujt si Schroeder, do të ishte e kotë ta refuzonim”, tha Stegner.
Zyra e ish-kancelarit tha në përgjigje të një kërkese nga agjencia e lajmeve DPA se Schroeder nuk do të bënte asnjë deklaratë në lidhje me gatishmërinë e tij për të ndërmjetësuar në dialogun midis BE-së dhe Rusisë.
Putin tha të shtunën, duke iu përgjigjur pyetjeve të gazetarëve, se Schroeder është kandidati i preferuar për negociata të mundshme midis BE-së dhe Rusisë. Moska nuk ka qenë kurrë e mbyllur për negociata, shtoi ai.
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 09:33 Vrasja e policit në Korçë, reagon Rama: Nderim përjetë dëshmorit të atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq