Putin pretendon fitoren e ushtrisë ruse në Mariupol

Presidenti i Rusisë, Vladimir Putin pretendon se ushtria ruse ka marrë nën kontroll qytetin e Mariupolit dhe ka shpallur fitoren në portin jugor të Ukrainës.

Sipas Putin, qyteti tashmë është çliruar pas gati 2 muajsh luftime, shkruan agjencia e lajmeve Reuters.

Putin ka hequr dorë nga plani për të ndërhyrë në fabrikën e çelikut në Mariupol, ku më shumë se 2 mijë trupa ukrainase po luftojnë kundër atyre ruse.

Autoritetet ukrainase thanë se Putin donte të shmangte një përplasje përfundimtare me forcat e saj në qytet pasi presidenti rus nuk kishte trupa të mjaftueshme.

Më herët gjatë ditës së sotme, ministri rus i Mbrojtjes Sergei Shoigu tha se forcat ruse tani kanë kontrollin e të gjithë qytetit portual përveç fabrikës.

LEXONI GJITHASHTU

• Putin heq dorë nga ndërhyrja në fabrikën e çelikut në Mariupol