Putin: Situata në rajonet e aneksuara ukrainase është shumë e vështirë

Presidenti rus Vladimir Putin deklaroi se situata në katër rajone të Ukrainës, që Moska ka deklaruar se janë pjesë e Rusisë, ishte “jashtëzakonisht e vështirë”.

Ai urdhëroi shërbimet e sigurisë të rrisin mbikëqyrjen për të siguruar kufijtë e saj dhe për të luftuar kërcënimet e reja, shkruan Reuters.

“Situata në Republikat Popullore të Donetsk dhe Luhansk, në rajonet Kherson dhe Zaporizhzhia është jashtëzakonisht e vështirë”, theksoi ai.

Komentet e Putinit të bëra në Ditën e Shërbimeve të Sigurisë, e festuar gjerësisht në Rusi, erdhën pasi Kievi përsëriti thirrjet për më shumë armë, pasi dronët rusë goditën infrastrukturën e energjisë dhe teksa rritet frika se aleati i Moskës, Bjellorusia mund të hapë një front të ri pushtimi kundër Ukrainës.

Aktualisht, Rusia ka mijëra trupa në Bjellorusi për trajnime. Ekspertët kanë argumentuar se Moska po i përgatit këto trupa për një ofensivë të shkallës së gjerë në fillim të vitit të ardhshëm.

LEXONI GJITHASHTU

• Ukraina forcon mbrojtjen e kufirit të saj me Bjellorusinë
• Kroacia refuzon pjesëmarrjen në misionin e BE-së për trajnimin e forcave ukrainase
• Mbretëria e Bashkuar: Ukraina ka zmbrapsur sulmet ruse në Donbas