Putin tha se testoi një raketë bërthamore, reagon Trump: E papërshtatshme

Presidenti i SHBA-së, Donald Trump, e quajti njoftimin e homologut të tij rus, Vladimir Putin, të dielën, për një provë të suksesshme të një rakete të re me energji bërthamore, “të papërshtatshme”.

“Është e papërshtatshme që Putini ta thotë këtë. Ai duhet t’i japë fund luftës në Ukrainë,” deklaroi presidenti amerikan.

“Kjo luftë, e cila duhej të zgjaste një javë, së shpejti do të hyjë në vitin e saj të katërt. Kjo është ajo që ata duhet të bëjnë, në vend që të testojnë raketa,” shtoi Trump para gazetarëve nga avioni presidencial, gjatë udhëtimit të tij drejt Japonisë, ndalesa e dytë në turneun e tij në Azi pas Malajzisë.

Gjithashtu, republikani përsëriti se “do të donte” të takohej me udhëheqësin e Koresë së Veriut, Kim Jong-un.

Trump nuk përjashtoi mundësinë e zgjatjes së turneut të tij aziatik, nëse është e nevojshme; ai do të jetë në Japoni sot dhe nesër, dhe në Korenë e Jugut të mërkurën dhe të enjten.

LEXONI GJITHASHTU: 

• Trump paralajmëron për rritje të tarifave për mallrat kanadeze
• Ambasadori i SHBA-së: Takimi Trump-Xi thelbësor për presionin ndaj Rusisë