Putin zgjat me 2 vjet planin e mbrojtjes të Rusisë

Presidenti rus Vladimir Putin nënshkroi një urdhër ekzekutiv për të zgjatur me dy vjet planin e mbrojtjes të Rusisë 2021-2025.

“Fjalët “2021-2025” do të zëvendësohen me fjalët “2021-2027”, thuhet në dekret.

Plani i mbrojtjes për vitet 2021-2025 u prezantua më 12 nëntor 2020.

Plani i parë i mbrojtjes i Rusisë u miratua në janar 2013. Ai përcakton rreziqet dhe kërcënimet e mundshme për sigurinë e vendit dhe koordinon masat në fusha të tilla themelore si zhvillimi i forcave të armatosura dhe zbatimi i programeve të armatimit dhe përgatitjet për një mobilizim ushtarak dhe mbrojtje territoriale.