Qafoku: Po e bëni Ramën ‘superman’, thoni që ka blerë dhe FBI-në

Gazetari, Roland Qafoku, komentoi më Euronews Albania akuzat e bëra nga Sali Berisha për lidhjet e kryeministrit Edi Rama me ish-zyrtarin e FBI-së, të akuzuar për korrupsion, Charles McGonigal.

Qafoku tha se akuzat se kryeministri Rama ka blerë dhe FBI-në, po i japin atij atribute të cilat nuk i ka, duke e shndërruar në një ‘superman’.

“Është nga lajmet kryesore në Amerikë. Është një skandal shumë i madh, por kapërcimet që bëhen mes zyrtarit të FBI-së dhe zyrtarit të SHISH, arrihet deri aty sa thonë se Edi Rama ka blerë FBI-në, bëhen disa kalime që mua s’më del llogaria.

Zoti Berisha përmendi dy emra të përveçëm që janë të implikuar dhe nëse ata janë të implikuar përfaqësohen vetë.

Që Edi Rama ka blerë FBI-në, e kuptoni ju çfarë lajmi është. Po e bëni supermanin Edi Ramën, po thoni ka blerë dhe FBI-në”, tha Qafoku.

Kujtojmë se McGonigal u arrestua në SHBA pas dyshimeve për lidhje me një oligark rus. Mediat amerikane shkruajnë se ish-zyrtari i lartë i kundërzbulimit të FBI, mbajti një takim sekret me Ramën në vitin 2017 dhe mori një pagesë prej 225 mijë dollarësh nga një ish-zyrtar shqiptar i SHISH.

LEXO GJITHASHTU:

• Skandali në SHBA/ Berisha: Gjykata amerikane urdhëroi hetimin e Ramës
• Berisha: Ja kush është personi që i dha McGonigal 225 mijë dollarë në emër të Ramës
• Mori 225 mijë $ nga punonjësi i SHISH, zbardhen akuzat për zyrtarin e lartë të FBI