‘Qëndrojmë në krah të SHBA’, Basha përkujton viktimat e 11 shtatorit

Kryetari i Partisë Demokratike përmes një postimi në Twitter ka përkujtuar viktimat e 11 shtatorit 2011, 20 vjet pas sulmeve vdekjeprurëse që goditën SHBA.

Kryedemokrati shprehet se qëndron në krah të SHBA si partneri strategjik i Shqipërisë në luftën kundër terrorizmit dhe mbrojtjes së vlerave.

“I bashkohemi përkujtimit të viktimave të terrorizmit, dhe solidaritetit me familjarët e tyre dhe kombin mik amerikan. Ne qëndrojmë në krah të partnerit strategjik të Shqipërisë në luftën kundër terrorizmit dhe mbrojtjes së vlerave, që na bashkojnë në aleancën dhe miqësinë e veçantë mes dy kombeve tona”, shkruan veç të tjerash kreu i PD.

Vendimi i dy ditëve më parë i kryedemokratit Basha për të përjashtuar nga grupi i PD ish-kreun e kësaj partie, Sali Berisha, solli reagime të shumta dhe një kundërsulm të hapur nga ky i fundit.

Një ditë më parë në seancën e parë të Kuvendit të ri të dalë nga zgjedhjet e 25 prillit, Sali Berisha erdhi në Kuvend i shoqëruar me ovacione të shumta nga mbështetës të tij dhe u zotua se nuk do të lejojë të shkelet sovraniteti i partisë.

Por vendimi i Bashës u përshëndet menjëherë nga ambasada e SHBA. Përmes një deklarate për mediat ambasada amerikan thekson se PD-ja ka guximin të shkëputet nga e kaluara për të ndërtuar të ardhmen dhe se vendimi i Bashës meriton respekt.

LEXONI GJITHASHTU:

• Përjashtimi i Berishës nga grupi i PD, ambasada amerikane: Vendimi i Bashës meriton respekt
• Basha përjashton Berishën nga grupi parlamentar i PD-së