Qeveria merr 100 mln euro borxh për energjinë, ministrja Denaj: Për të reformuar sektorin

Qeveria shqiptare do të marrë 100 milionë euro kredi të butë për sistemin elektroenergjetik.

Marrëveshja me bankën shtetërore gjermane KfW u miratua në parlament dhe për ministren e Financave, Anila Denaj ka si qëllim reformimin e këtij sektori.

“Kjo është një marrëveshje shumë e rëndësishme për të vijuar më tej me reformën e energjisë, një reformë që ka qenë lajtmotivi dhe objektivi i qeverisë Rama që në mandatin e tij të parë”, u shpreh Anila Denaj, ministre e Ekonomisë dhe Financave.

Sipas ministres, reformimi do të përfshijë ndarjen e OSHEE nga OST, hapjen graduale të tregut të shitjes me pakicë dhe krijimin e një tregu konkurrues të energjisë.

Kjo nuk është hera e parë që KESH merr kredi. Në vitin 2016, BERZH i dha korporatës 218 milionë euro kredi për të mbështetur reformat e saj për ristrukturimin.

Me kredinë e miratuar këtë të enjte, KESH ka marrë mbi 300 milionë euro hua me qëllim ristrukturimin.

LEXONI GJITHASHTU:

• Energjia dhe infrastruktura, fokusi i investimeve amerikane në Shqipëri, Kim: Interesi do të rritet kur të garantohet zbatimi i ligjit
• Energjia që ripërtërihet do ketë rritjen më të madhe, por kjo nuk do të thotë që do të zëvendësojë hidrokarburet