Qeveria polake kritika për trajtimin e krizës së lumit Oder

Gjysmë ton peshq të ngordhur në orë aktualisht rrjedhin nëpër lumin Oder në Poloni, së bashku me zogj të panumërt të ngordhur, kastor dhe midhje. Era e trupave të kalbur ka mbështjellë brigjet e lumit, ndërsa shkaku mbetet mister.

Deri më 14 gusht, autoritetet polake dhe vendasit mblodhën më shumë se 20 ton peshq të ngordhur. Disa nga punonjësit thanë se iu dogjën duart gjatë procesit.

Mediat polake dhe gjermane e kanë dënuar helmimin si një katastrofë ekologjike të paprecedentë. Ekspertët vlerësojnë se lumit do t’i duhen të paktën 10 deri në 15 vjet për t’u rikuperuar.

“Ky është një krim kundër natyrës, mjedisit dhe njerëzve,” thotë Dr Sebastian Pilichoëski, një biolog në Universitetin e Zielona Gora, për gazetën polake Wyborcza.

“Është një dënim masiv me vdekje dhe vdekja nuk do të jetë e menjëhershme. Peshqit luftojnë për jetën e tyre në ujërat e cekëta të bregut me një armik të padukshëm. Ata e ndjejnë dhimbjen,” – shtoi ai.

LEXONI GJITHASHTU:

• Misteri pas ngordhjes së mijëra peshqve në Poloni