Qeveria publikon vendimin për vaksinimin e stafit arsimor dhe studentëve

Mbrëmjen e së shtunës, Ministria e Shëndetësisë ka publikuar urdhrin për t’u pajisur me certifikate vaksinimi çdo pedagog dhe student, para nisjes së mësimit në universitete më 11 tetor.

Në një dokument prej dy faqesh, gjithashtu sqarohet se cilido person që nuk do të pajiset me certifikatë vaksinimi, do t’i duhet të paraqesë testim PCR çdo jave për të qenë pjesë e auditorëve.

Në urdhër thuhet se për secilin student që nuk do t’i nënshtrohet marrjes së injeksionit, institucionet arsimore duhet të marrin masa për ofrimin e mësimit online.

Vetë Ministria e Shëndetësisë ka bërë një fushatë për ndërgjegjësimin dhe informimin e studentëve mbi vaksinimin dhe grupet e vaksinimit që janë ngritur në secilin universitet.

Të vetmit që janë të përjashtuar nga procesi i vaksinimit janë ata persona që kanë një indikacion mjekësor për mos aplikimin e vaksinës.

LEXONI GJITHASHTU:

• Rama paralajmëron se vaksinimi për studentët mund të bëhet i detyrueshëm
• Protesta në Greqi dhe Francë kundër vaksinimit të detyrueshëm