Qindra fluturime të anuluara për shkak të grevës së pilotëve në Gjermani 

Greva e pilotëve të linjës ajrore me kosto të ulët Eurowings e detyroi kompaninë gjermane të anulojë rreth 250 fluturime sot.

Një degë e Lufthansa njoftoi se rreth gjysma e 500 fluturimeve të saj ditore do të anulohen, gjë që do të prekë dhjetëra mijëra pasagjerë, raportoi AP.

Aeroportet gjermane do të jenë më të goditurit, por po kështu do të jenë shumë të tjerë, kryesisht në Stokholm, Pragë dhe Majorka.

Pilotët kërkojnë që të reduktohet numri maksimal i orëve të fluturimit.

Grevat në kompaninë mëmë Lufthansa përfunduan muajin e kaluar pasi linja ajrore dhe sindikata arritën një marrëveshje mbi pagat për t’u marrë me efektet e inflacionit.

LEXONI GJITHASHTU:

• Francë, greva e hekurudhave bllokohen pushuesit
• Pilotët e Lufthansës ndërpresin grevën, rikthehen fluturimet