Për të shtatën javë me radhë, qindra demonstrues kanë dalë në rrugë në Izrael kundër reformës gjyqësore të mbeshtetur nga kryeministri Netanyahu.
Të hënën, anëtarët e parlamentit do të duhet të votojnë mbi projektligjin, i cili synon të lejojë parlamentin të anulojë vendimet e gjykatës. Shumë e shohin këtë si një sulm ndaj demokracisë.
“Ne nuk kemi zgjidhje, nuk mund të dorëzohemi. Ky është vendi ynë, unë kam bërë luftëra, kam humbur miq në luftëra – ata nuk kanë vdekur për këtë, ata nuk kanë vdekur për një shtet diktator. është më e pakta që mund të bëj, shprehet një nga protestuesit.
“Ndjej shpresë, ka kaq shumë njerëz këtu, por qeveria ende nuk do të dëgjojë zërat tanë” brohoret një tjetër protestuese.
Netanyahu, i cili është në gjyq për korrupsion mund ta përdorë këtë reformë për të rrëzuar një dënim të mundshëm ndaj tij.
Mbrojtësit e reformës thonë se drejtësia është shumë e politizuar dhe ky ligj mund të rivendosë ekuilibrin në sistem.