Rajoni i Gjeorgjisë, Osetia Jugore në bisedime për t’iu bashkuar Rusisë
Osetia Jugore, një rajon i cili u shkëput nga Gjeorgjia dhe e quan veten shtet të pavarur, ka biseduar me zyrtarët rusë për mundësinë për t’u bërë pjesë e Rusisë, raportoi të dielën agjencia ruse e lajmeve, RIA.
Rusia e njohu Osetinë Jugore dhe një rajon tjetër të shkëputur, Abkazia, si shtete të pavarura më 2008, pasi trupat ruse nuk e lejuan Gjeorgjinë ta rimarrë kontrollin në këto dy rajone në një luftë pesëditore atë vit.
Por, Perëndimi e akuzoi Rusinë se i aneksoi Osetinë Jugore dhe Abkazian dhe Tbilisi vazhdon të kërkojë që këto dy rajone t’i kthehen.
“Ne po i diskutojmë të gjitha këto çështje në bashkërendim të ngushtë me Rusinë, duke i marrë parasysh marrëdhëniet tona dypalëshe dhe traktatet “, tha Alan Alborov, kryetari i Parlamentit të Osetisë Jugore, duke u përgjigjur në pyetjen nëse ka mundësi që të mbahet referendum për t’u bërë pjesë e Rusisë, sipas RIA-s.
Lideri i Osetisë Jugore, i mbështetur nga Rusia, Alan Gagloev, tha vitin e kaluar se shpreson se ky rajon mund të bëhet pjesë e Rusisë edhe zyrtarisht, tha RIA.
Osetia Jugore u shkëput nga Gjeorgjia pas një lufte më 1991-92, në të cilën vdiqën disa mijëra njerëz. Ajo mban lidhje të ngushta me rajonin fqinj rus, Osetian Veriore.
Gati shumica e popullsisë së Osetisë Jugore e kanë pranuar pasaportën ruse. Ata e përdorin edhe rublën ruse si valutë të veten dhe ekonomia e tyre varet nga Rusia.
LEXONI GJITHASHTU:
Tërmetet në Venezuelë, rritet në 1,450 numri i viktimave. 3,150 persona janë plagosur
Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
Trump kontrollon projektet e rinovimit në Uashington
- 21:17 Humb jetën një person në Himarë, dyshohet se rrëshqiti në dhomën e hotelit
- 21:02 Ranë në greminë, helikopteri i Forcave të Armatosura ndërhyn për nxjerrjen e 2 turistëve nga Kanioni i Gjipesë
- 21:00 Nga Tropoja në Sanremo, Azgan Haklaj dhe e bija emocionojnë publikun me vallen shqiptare
- 20:46 Një person bie nga shkëmbi, forcat e kërkim-shpëtimit nisen drejt malit të Gopeshit
- 20:22 Tërmetet në Venezuelë, rritet në 1,450 numri i viktimave. 3,150 persona janë plagosur
- 20:08 Ministri i Mbrojtjes takim me Dendias në Athinë, detaje nga agjenda