Ranë në greminë, helikopteri i Forcave të Armatosura ndërhyn për nxjerrjen e 2 turistëve nga Kanioni i Gjipesë

Prej orëve të para të mëngjesit, 4 turistë polakë kanë rënë në një greminë në Kanionin e Gjipesë. Në përpjekjet e para për t’u ardhur në ndihmë kanë ndërhyrë forcat zjarrfikëse dhe shërbimet e Policisë së Himarës, por për shkak të terrenit tepër të vështirë nuk kanë mundur t’i nxjerrin.

Më pas në zonë kanë mbërritur FNSH, alpinistë dhe helikopteri i Forcave të Armatosura, por operacioni i shpëtimit vijon të jetë mjaft i vështirë.

Gjatë gjithë ditës është punuar për evakuimin e tyre. Në orët e mbrëmjes, helikopteri ka arritur të nxjerrë dy prej turistëve, ndërsa për shkak të terrenit të vështirë nuk ka mundur të evakuojë dy të tjerët.

Njëri prej turistëve, i cili ka pësuar dëmtime, pritet të nxirret me barrelë nga ekipi i kërkim-shpëtimit.