Kryetari i Listës Serbe, Goran Rakiç thotë se vizita e kryeministres së Serbisë, Ana Brnabiç në Kosovë tregon se serbët janë për paqe e siguri, por dhe për mbijetesë e qëndrim në këto zona.
Rakiç u shpreh se ardhja e Brnabiç do të thotë shumë për serbët, sespe dërgon mesazh që populli serb nuk është vetëm, shkruan RTS (Radio Televizioni Serb).
“Ne do ta shfrytëzojmë vizitën e saj për t’i kërkuar edhe një herë që vendi ynë të vazhdojë luftën për të ruajtur paqen dhe stabilitetin dhe të vazhdojë të investojë fuqishëm në komunitetet tona,” tha Rakiç.
Kryeministrja e Serbisë, Ana Brnabiç do të zhvillojë vizitë njëditore në Kosovë, ditën e hënë më 5 shtator. Ajo do të vizitojë Mitrovicën, Zveçanin dhe Leposaviçin.
Së bashku me të, do të jenë edhe drejtori i të ashtuquajturës Zyre për Kosovë, Petar Petkoviç dhe drejtori i Zyrës për IT dhe e-Qeverisje, Dr. Mihailo Jovanoviç.
LEXONI GJITHASHTU
- Petkoviç: Serbët në Kosovë presin me padurim vizitën e Brnabiç
- Kosova lejon vizitën e kryeministres së Serbisë
- Kryeministrja e Serbisë viziton të hënën Kosovën
