Rama dekoron akademikun Rexhep Qosja në Prishtinë

Kryeministri Edi Rama dekoroi sot në Prishtinë akademikun Rexhep Qosja, të cilin e vlerësoi për kontributin e tij kulturor dhe politik si në Kosovë, po ashtu edhe në Shqipëri.

Në një ceremoni të organizuar bashkë me Kryeministrin e Kosovës, Albin Kurti, Rama i akordoi Qosjes “Yllin e Mirënjohjes Publike”.

Kryeministri i Shqipërisë kujtoi një shkrim kritik të Qosjes gjatë kohës që PS ishte në opozitë duke u ndalur te etiketimi “opozitë me duar në xhepa”. Ai kujtoi gjithashtu shkrime dhe publicistikë tejet me ndikim të botuar edhe gjatë kohës së diktaturës.

Qosja e falenderoi Ramën për nderimin dhe tha se ndihej tejet i lumtur që ceremonia u mbajt në Prishtinë. Ai përfitoi nga rasti i takimit me Kurtin dhe këshilloi hapur që takimet mes kryeministrave të dy vendeve të bëhen më shpesh.

“Kryeministrat Rama Kurti të takohen më shpesh, te takohen qeveritë e tyre të mbajnë mbledhje përbashkëta për të jetësuar idealin e epokës së rilindasëve,” – tha Qosja.

LEXONI GJITHASHTU:

• Rama takime me krerët e partive kryesore të Kosovës
• Shqipëria e Kosova me sekretariat për koordinimin e marrëdhënieve dypalëshe
• Rama i cilëson manovra teatrale angazhimet e ushtrisë nga Serbia
• S’kam pasur asnjë komunikim me Vuçiç për reciprocitetin, thotë Rama
• Serbia s’do tolerojë dhunë ndaj serbëve të Kosovës, thotë Vuçiç