Rama me sipërmarrësit në Sarandë: 65% parapagim nëse s’doni kontrolle gjatë pikut

Kryeministri Edi Rama ishte paraditen e së hënës në Sarandë. ku zhvilloi një takim me sipërmarrësit e rinj në këtë qytet.

Rama tha se po shqyrtojnë një opsion që do t’u jepte mundësinë strukturave hoteliere që të pranojnë një marrëveshje me parapagim 65 për qind nëse nuk duan të kenë kontrolle gjatë pikut të sezonit.

“Bëni shumë hile me numrin e shtretërve të zënë, duhet ta pranoni, çështja është që kjo hile na pengon të bëjmë më shumë për qytetin sepse nuk i jepet mundësia bashkisë të mbledhë të ardhurat që i takojnë nga zënia e shtretërve. Kemi vendosur që t’i japim një opsion strukturave hoteliere për të pranuar një parapagim me marrëveshje që në periudhën e pikut të paguajnë 65 për qind, nëse nuk duan asnjë kontroll. Besoj është shumë e ulët në raport me të vërtetën. Duam ta fillojmë me këtë, dhe kush paguan 65 për qind të zënë për gjithë periudhën maj-shtator, nuk ka asnjë kontroll”, tha Rama.

LEXONI GJITHASHTU:

• Rama: Do zgjerojmë plazhet publike, luftë informalitetit në turizëm parapagim
• Rama në rrugët e Tiranës, batuta: Ku është ajo vera ime 33 mijë euro?