Rama për Euronews Albania: S’jam optimist për heqjen e vetos nga Bullgaria

Kryeministri Edi Rama nuk është optimist në lidhje me heqjen e vetos së Bullgarisë ndaj Maqedonisë së Veriut, çka do të ndihmonte edhe Shqipërinë për hapjen e negociatave.

Për “Euronews Albania”, Rama tha se Shqipëria do të ndryshojë qëndrimin e saj, nëse Bullgaria bllokon sërish procesin.

Rama u shpreh se këtë fakt ja bërë të ditur edhe kancelarit gjerman Olaf Sholc në takimin që patën ditën e djeshme, teksa e informoi edhe për opinionin e dhënë nga qytetarët shqiptarë në Këshillimin Kombëtar.

“Unë thjesht i kam bërë me dije kancelarit që ne kemi një qasje që deri në Këshillin Europian të qershorit do të jetë e pandryshuar, në rast se përsëri ne do të bllokohemi për shkak të Bullgarisë, bazuar edhe në mbështetjen e gjerë që opsioni i ndarjes nga Maqedonia ka marrë nga opinioni publik pasi tregova dhe për Këshillimin Kombëtar, ne do të ndryshojmë qasje dhe do të flasim me gjuhë tjetër lidhur me Shqipërinë dhe nevojën e Shqipërisë për tu ndarë nga Maqedonia e Veriut”, tha kreu i qeverisë.

LEXONI GJITHASHTU

• Rama: Në qershor presim negociatat ose ndahemi nga RMV