Rama sërish vizitë në familjen e Klodian Rashës, 7 ditë pas vrasjes së tij nga efektivi i policisë së shtetit

Kryeministri Edi Rama ka shkuar sërish në shtëpinë e Klodian Rashës, në vizitën e tretë 7 ditë pasi 25-vjeçari u vra nga një efektiv i Shqiponjave.

Ditën që ndodhi ngjarja tragjike kryeministri ndodhej në SHBA dhe ditën që u kthye në Shqipëri, ai shkoi në shtëpinë e të riut, vrasja e të cilit nxiti një valë protestash në vend.

Prej 6 ditësh në rrugët e Tiranës dhe qytete të tjera të vendit janë organizuar protesta në kërkim të drejtësisë për vrasjen e të riut nga një oficer policie në zonën e Laprakës, vetëm pak metra larg shtëpisë së tij.

Gazetarja e Euronews Albania Arjana Loçe raportoi se prej 30 minutash kryeministri ndodhet në banesën e familjes Rasha në një vizitë të palajmëruar.

Vizita vjen një ditë pas daljes së aktit normativ për pensionin që i akordohet familjes Rasha teksa vrasja e 25-vjeçarit cilësohet si aksidentale.

Lexoni gjithashtu:

Qeveria akordon pension për familjen e Klodian Rashës

Protestat për vrasjen e Klodian Rashës, Ballauri: Reagim i natyrshëm i të rinjve, prepotenca e qeverisë do t’i ndezë më shumë

Altin Hazizaj: Vrasja e Klodian Rashës është ’21 Janari’ i PS-së