“Rama të kujtonte sot Enverin”, Abilekaj debat me deputetin e PS

Gazetari Enton Abilekaj ishte këtë të martë i ftuar në “Now me Erla Mëhillin” në Euronews Albania ku ka komentuar mbledhjen e Partisë Socialiste të zhvilluar ditën e sotme.

Ai tha se nuk është dhënë asnjë garanci se reforma në drejtësi do të jetë e pavarur nga kryeministri Rama. Sipas Abilekaj deri më tani, Rama e ka treguar që mund ta përdorë  drejtësinë njësoj siç bënte dikur diktatori Enver Hoxha i cili i godiste armiqtë e tij nëpërmjet ministrisë së brendshme dhe hetuesisë.

Duke debatuar me deputetin socialist Tonin Gogun, Abilekaj tha se deri më tani nuk ka asnjë rast të vetëm që drejtësia të ketë vepruar “pa pyetur Ramën”.

Pjesë nga debati në studio:

Enton Abilekaj: U bë vetingu pa konsensusin e opozitës, e mori Partia Socialiste të gjithë reformën në drejtësi dhe e bëri siç deshi vetë. Ne kemi gjyqtaren që paska qenë e dënuar në Greqi dhe e ka fshehur, nuk e ka deklaruar. Kjo gjyqtare del që është e shantazhueshme, sepse ajo ka dhënë vendimet kryesore, sidomos ato që lidhen me liderin e opozitës.

Pra ndaj dyshojmë nëse duan ta përdorin drejtësinë si kamxhik personal. Se mund ta përdor siç përdorte Enveri njëherë e një kohë Ministrinë e Brendshme dhe hetuesinë e dikurshme që për të eliminuar kundërshtarët ose ata që kishte inat përdorte hetuesinë, apo kemi një reformë në drejtësi që na shërben të gjithëve. Ka treguar ndonjëherë kjo drejtësia që mund të arrestojë pa lejen e Ramës? Deri tani jo.

Tonin Gogu: I ka arrestuar.

Enton Abilekaj: Asnjë rast nuk ka, i ka shkarkuar më para se të arrestoheshin.

LEXONI GJITHASHTU:

• Rama: Nuk mbaj asnjë burrë me para të vjedhura në karrige, kur vjen ora të thirret
• Rama: Çdo anëtar i familjes së PS që bën korrupsion është një tradhtar i dyfishtë