Raporti i KE-së kritikon klimën politike, Edi Rama: S’e kam parë, flasim nesër

Korrespondenti i Euronews Albania në Bruksel, Ernest Bunguri siguroi raportin e Komisionit Evropian, i cili do të bëhet publik më vonë gjatë ditës, ku ndër të tjera Shqipëria ka shënuar progres të mirë në reformat kyçe. Gjykata Kushtetuese mbetet i vetmi kusht ende i paplotësuar për Konferencën e parë të anëtarësimit, sipas raportit.

Kryeministri Rama u pyet mbi raportin, ndërkohë shtoi se nuk ka dijeni për përmbajtjen e tyre. Ai tha se nesër në Tiranë do të vijë Komisioneri për Zgjerim, Oliver Varhley, dhe për këtë çështje do të flasin gjerësisht. 

“Për sa i përket raportit të Komisionit Europian nuk e kam parë. Komisioneri vjen nesër. Flasim nesër”, tha Rama.

Në raport thuhet ndër të tjera  se klima politike në Shqipëri mbetet problem pasi është tejet e polarizuar.

Kështu, pavarësisht përpjekjeve të bëra nga palët në tryezën e Këshillit Politik për të gjetur konsensus  mbi Kodin Zgjedhor, kjo tentativë nuk u realizua dhe mazhoranca qeverisëse në bashkëpunim me një pjesë të opozitës parlamentare kaluan ndryshimet kushtetuese të Kodit Zgjedhor me  97 vota pro.

Ky hap u kritikua nga ambasada e Shteteve të Bashkuara të Amerikës dhe ajo e Mbretërisë së Bashkuar, ndërsa vunë re se kjo u bë në formë të njëanshme dhe pa konsensusin e Këshillit Politik.

Lexoni gjithashtu: 

Ekskluzive/ KE: Shqipëria plotëson kushtet për konferencën e parë të anëtarësimit, përveç Gjykatës Kushtetuese